Sicrhau’r profiadau gorau i ddinasyddion gyda sgyrsfotiaid deallusrwydd artiffisial

Hunan-wasanaeth i ddinasyddion

Rhyddhau amser eich asiantau

Gyda phŵer deallusrwydd artiffisial, gall dinasyddion ddatrys problemau heb angen cysylltu â’ch canolfan gyswllt. O gwestiynau cyffredin i gyflwyno ceisiadau a thrafodion talu, mae llwyfan Cysylltu Cymru yn galluogi dinasyddion i hunan-wasanaethu sy’n golygu y gall asiantau eich canolfan gyswllt ganolbwyntio ar ddinasyddion sydd angen mwy o gymorth.

Gwasanaeth â chymorth

Deallusrwydd artiffisial ac Asiantau’n cydweithio

Er bod rhai gwasanaethau’n gallu bod yn gwbl awtomataidd fel y gall dinasyddion hunan-wasanaethu, efallai y bydd angen cymorth ychwanegol asiantau ar rai gwasanaethau sy’n fwy cymhleth. Gyda galluoedd gwasanaeth â chymorth, gall deallusrwydd artiffisial ddelio â’r broses gychwynnol o frysbennu gofynion dinasyddion a gwneud llawer o’r gwaith cychwynnol sy’n cymryd amser ar ran yr asiant.

Cyfeirio â Blaenoriaeth

Cyfeirio’r rhai sydd angen cymorth fwyaf at asiantau

Nid yw gwasanaethau awtomataidd yn addas i bawb, gyda chyfeirio â blaenoriaeth, gallwch ddewis pwy gaiff wasanaethau awtomataidd a phwy gaiff ei flaenoriaethu i gael cymorth yn syth gan asiant. Gyda chyfeirio â blaenoriaeth, gallwch ddewis ymlaen llaw ddinasyddion sydd angen cymorth ychwanegol fel y gallant siarad ag asiant yn uniongyrchol.

Awtomeiddio

Lleihau llwythi gwaith trwy alluogi deallusrwydd artiffisial i wneud tasgau syml

Mae llwyfan ymgysylltu digidol a sgyrsfot Cysylltu Cymru’n eich galluogi i awtomeiddio llawer o’r ceisiadau gwasanaeth symlach a geir gan ddinasyddion. Chi sy’n rheoli’n llwyr yr hyn fydd yn awtomataidd felly gallwch ddefnyddio technoleg deallusrwydd artiffisial i helpu i reoli disgwyliadau cwsmeriaid a nifer yr asiantau fydd ar gael er mwyn blaenoriaethu gwahanol wasanaethau.

Dwyieithog

Tynnu sylw at bwysigrwydd gwasanaethau iaith Gymraeg

Gellir addasu datrysiad sgyrsbot Cysylltu Cymru yn llwyr i anghenion eich sefydliad a’ch dinasyddion. Gyda phwysigrwydd cynnig gwasanaethau dwyieithog yn y sector cyhoeddus yng Nghymru, mae llwyfan Cysylltu Cymru yn galluogi dinasyddion i ddefnyddio gwasanaethau yn eu dewis iaith.

Taith lawn y dinesydd

Peidiwch byth â cholli unrhyw beth a drafodwyd, hyd yn oed os yw'n awtomataidd

Hyd yn oed os dechreuodd sgwrs dinesydd ar ryngwyneb digidol awtomataidd, os na all deallusrwydd artiffisial ddatrys ei broblem, gall y dinesydd bontio’n ddi-dor i berson os oes angen a chaiff hanes y sgwrs awtomataidd ei gadw a’i drosglwyddo i’r ganolfan gyswllt.

Rheoli Gwybodaeth

Gwybodaeth hanfodol y mae’n hawdd cael gafael arni

Trwy ychwanegu galluoedd rheoli gwybodaeth, gall asiantau a dinasyddion gael gafael ar wybodaeth berthnasol ar flaenau eu bysedd. Boed yn ateb cwestiynau cyffredin sy’n galluogi dinasyddion i hunan-wasanaethu neu’n grymuso eich asiantau gyda’r wybodaeth gywir, mae cyfleusterau rheoli gwybodaeth yn creu prosesu awtomataidd llyfnach a phellach.

Dewis Sianel

Yr un gwasanaeth gwych, drwy unrhyw sianel

Mae nodwedd sgyrsfot Cysylltu Cymru ar gael drwy bob sianel y gallai dinasyddion ei dewis. Boed ar borthol y we, porwr, app symudol, y cyfryngau cymdeithasol, SMS neu IVR, mae’r cwsmer yn cael yr un gwasanaeth gyda’r un awtomatiaeth, sy’n golygu y caiff profiad y dinesydd ei symleiddio ar draws pob sianel.

Yn gwbl addasadwy

Awtomeiddio’r gwasanaethau rydych yn eu dymuno

Mae datrysiad deallusrwydd artiffisial a sgyrsfot Cysylltu Cymru’n eich galluogi i addasu’r gwasanaethau rydych am eu hawtomeiddio yn llawn, sy’n golygu mai chi sy’n rheoli’r llwyr y gwasanaethau y bydd deallusrwydd artiffisial yn delio â nhw. Mae’r holl gyfathrebu gan ddeallusrwydd artiffisial, yr opsiynau gwasanaeth a’r datrysiadau i gyd yn cael eu creu’n ganolog sy’n golygu y gallwch fod yn dawel eich meddwl y bydd yr holl ddinasyddion yn cael profiad cyson.