Canolfan Gyswllt

Ailddiffinio profiad dinasyddion ar gyfer y sector cyhoeddus yng Nghymru

Mae llwyfan gwasanaeth a rennir penigamp Cysylltu Cymru yn cynnig canolfan gyswllt sy’n integreiddio llais traddodiadol, sianeli digidol a hunanwasanaeth yn ddi-dor i symleiddio gwasanaethau i ddinasyddion.

Mae Cysylltu Cymru yn cydgrynhoi’r holl systemau mewnol gan rymuso asiantau i weld holl hanes a rhyngweithiadau dinasyddion mewn un lle. Yn cynnig mynediad unedig at raglenni a gwybodaeth ar draws gwasanaethau er mwyn datrys ymholiadau dinasyddion yn effeithlon ar draws gwahanol sianelau.

Alinio pob cyflogai er mwyn ymgysylltu’n ddi-dor â dinasyddion

Pryd bynnag a sut bynnag y bydd dinasyddion yn dewis cysylltu – boed hynny dros y ffôn, e-bost, gwe-sgwrs neu’r cyfryngau cymdeithasol; yn ystod y dydd neu’n hwyr yn y nos; byddan nhw i gyd yn mwynhau’r un profiad di-dor.

Mae canolfan gyswllt aml-sianel Cysylltu Cymru yn rhoi mynediad i ddinasyddion at asiantau canolfannau cyswllt drwy eu sianel o ddewis; yna mae cyfleusterau cydweithredu Cysylltu Cymru yn galluogi eich asiantau i ymgysylltu’n ddidrafferth ag arbenigwyr cefn swyddfa i gynnig y datrysiad gorau sydd ar gael i bob cyswllt gan ddinasyddion.

Datrysiadau Canolfannau Cyswllt

Omnisianel

Sianel o ddewis gan ddinasyddion

Galluogi dinasyddion i gysylltu pa fodd bynnag y maent yn dymuno - llais, e-bost, gwe-sgwrs, SMS neu’r cyfryngau cymdeithasol. Mae asiantau canolfannau cyswllt yn cyrchu pob sianel a ffynonellau gwybodaeth lluosog ar un rhyngwyneb, sy’n eu galluogi i ddelio ag ymholiadau dinasyddion yn gyflym ac yn effeithlon.

Mae llwyfan Cysylltu Cymru yn cyfuno rheoli gwybodaeth a rheoli achosion â phob sianel gyfathrebu mewn un platfform unedig; gan eich galluogi i wneud y mwyaf o gynhyrchiant gweithwyr a gwella ansawdd gwasanaethau.

Gweithio Ystwyth a Hyblyg

Unrhyw bryd, unrhyw fan, unrhyw le

Galluogi gweithwyr ac asiantau canolfannau cyswllt i weithio unrhyw bryd, unrhyw fan, unrhyw le gyda symudedd llawn. Mae Cysylltu Cymru yn rhoi sicrwydd o barhad sefydliadol a hyblygrwydd gweithio o bell, waeth beth fo lleoliad yr asiant tra gall goruchwylwyr fonitro ac adrodd yn llawn ar eu gweithwyr.

Mae Cysylltu Cymru yn cynnig canolfan gyswllt rithwir fel datrysiad sy'n golygu y gallwch barhau i wasanaethu cwsmeriaid o unrhyw le.

Hunan-wasanaeth neu Wasanaeth a Gynorthwyir

Gwella profiadau dinasyddion

Hunan-wasanaeth bellach yw'r man galw cyntaf i lawer o ddinasyddion. Mae datrysiadau Rheoli Gwybodaeth Cysylltu Cymru yn rhoi ffordd gyflym a hawdd i ddinasyddion o gael help; maent yn deall yr hyn y mae dinasyddion yn chwilio amdano ac yn cynnig profiad gwell am gost is; gan ryddhau eich asiantau i ganolbwyntio ar ychwanegu gwerth at brofiad y dinesydd. Yn defnyddio deallusrwydd artiffisial (DA), sgyrsbotiaid digidol a llais, hunanwasanaeth ar y we a rheoli gwybodaeth i greu gwell profiad i ddinasyddion ac asiantau mwy cynhyrchiol.

Rheoli Gwybodaeth

Pa un a ydyw'n galluogi dinasyddion i hunan-wasanaethu drwy sianeli llais neu ddigidol, neu’n grymuso eich asiantau gyda'r wybodaeth a'r prosesau cywir; mae Cysylltu Cymru yn cynnig datrysiadau Rheoli Gwybodaeth sy'n defnyddio deallusrwydd artiffisial (DA) i greu ffordd fwy awtomataidd, naturiol ac effeithiol o gysylltu pobl ag atebion.

Gweld Holl Fanylion Dinesydd

Profiad bwrdd gwaith unedig

Mae Cysylltu Cymru yn seiliedig ar 'cwarel sengl o wydr', y gallu i weld holl fanylion dinesydd ar un sgrin sy'n galluogi datrysiadau cyflym heb fod angen newid sgriniau i ddatrys ymholiadau gan ddinasyddion. Mae Canolfan Gyswllt Omnisianel yn cynnig profiad bwrdd gwaith unedig sy'n galluogi asiantau i ddarparu gwasanaeth rhagorol i ddinasyddion.

Wedi'i gyflwyno yn y Cwmwl

Canolfan-Gyswllt-fel-Gwasanaeth

Darperir llwyfan Canolfan Gyswllt Cysylltu Cymru gan ddefnyddio'r dechnoleg cwmwl ddiweddaraf. Mae CGfG (canolfan gyswllt fel gwasanaeth) yn golygu y gallwch fod yn hyblyg o ran defnydd a’i gynyddu neu ei leihau yn hawdd, gan sicrhau mai dim ond am y gwasanaethau rydych yn eu defnyddio y byddwch yn talu.

Sicrhau’r profiadau gorau i ddinasyddion gyda sgyrsfotiaid

Gwella profiadau dinasyddion trwy awtomeiddio hunanwasanaeth, lleihau’r pwysau ar asiantau eich canolfan gyswllt a rhoi’r amser iddyn nhw roi cymorth ychwanegol i’ch dinasyddion sydd ei angen fwyaf.

Gwasanaethau awtomataidd wedi’u hintegreiddio’n ddi-dor i ddinasyddion trwy ddefnyddio technoleg arloesol.

Mwy o wybodaeth

Recordio o’r Radd Flaenaf a Chyfleusterau o Ansawdd

Mae llwyfan Cysylltu Cymru yn cynnig amrywiaeth o ddatrysiadau recordio a rheoli ansawdd i sicrhau’r safonau gorau o ran eich gwasanaeth i ddinasyddion ac i wella potensial pob cyflogai.

Recordio Galwadau

Recordio cyflym, syml ac effeithiol

Rydym yn cynnig datrysiadau recordio galwadau y gellir eu haddasu i’r cwsmer. Mae ein datrysiad recordio galwadau yn hyblyg, yn ddiogel ac yn hawdd i chi ei ddefnyddio, i chi gael gwrando'n ddiduedd ar lais eich dinasyddion, a fydd yn y pen draw yn eich helpu i fodloni eu hanghenion yn well.

Rheoli Ansawdd

Cael y gorau o'ch tîm

Gwneud y gorau o berfformiad eich asiantau gyda'n dulliau Rheoli Ansawdd. Unwaith eto, hyblygrwydd yw'r ateb, ac mae ein datrysiad yn eich galluogi i ymgorffori eich Dangosyddion Perfformiad Allweddol presennol ar system werthuso sy'n seiliedig ar gardiau sgorio, a fydd yn eich helpu i bennu cryfderau eich asiant a thynnu sylw at unrhyw feysydd i'w gwella, yn gyflym ac yn effeithlon.

Recordio Sgrin

Llenwch y dotiau i gael darlun mwy

Mae recordio sgrin yn cynnig gwybodaeth ystyrlon i chi am y rhyngweithio rhwng asiantau a dinasyddion, sydd, o'i gyfuno â recordio galwadau, yn cynnig cipolwg holistaidd ar eich gweithrediadau a'ch gweithgareddau, y gellir eu hadolygu a'u hasesu i sicrhau eu bod yn syml ac yn effeithiol, gan wneud profiadau eich dinasyddion yn ddi-ail.

Adnabod Llais

Arloesi gyda Llais

Trowch eich data llais yn destun a datglowch ffordd arloesol o'ch helpu i gael gafael ar, dadansoddi a darganfod ffyrdd o ddeall llais eich dinasyddion, a all helpu i wella llif gwaith, cydymffurfiaeth ac anghenion hyfforddi, drwy adnabod llais awtomataidd.

Datrysiadau Rheoli’r Gweithlu

Gyda datrysiad Rheoli’r Gweithlu Cysylltu Cymru, gallwch reoli asiantau yn y ffordd fwyaf effeithiol a chyfeirio dinasyddion at y person cywir sydd gyda’r sgiliau cywir, yn y lle cywir, ar yr amser iawn.

Mwy o wybodaeth